آرٹی سی کی تقسیم کے لئے مرکزی حکومت سے نمائندگی کی جائے گی

ضلع رنگاریڈی میں صنعتوں کے قیام کے لئے سرمایہ کار وں کا حوصلہ افزاء ردعمل ، وزیر ٹرانسپورٹ پی ۔ مہیندر ریڈی کا بیان

تانڈور5۔ستمبر (اعتماد نیوز )

تلنگانہ کے وزیر ٹرانسپورٹ پی ۔ مہیندر ریڈی نے بتایا کہ محکمہ اے پی ایس آرٹی سی کی تقسیم ابھی نہیں ہوئی ہے اور وہ اس سلسلہ میں جلد ہی دہلی کا دؤرہ کرتے ہوئے مرکزی حکومت سے محکمہ آرٹی سی کی تقسیم کے لئے نمائندگی کریں گے تانڈور میں اپنی رہائش گاہ پر صحافیوں سے بات کرتے ہوئے پی ۔ مہیندر ریڈی نے بتایاکہ اس سلسلہ میں



محکمہ آرٹی سی کے عہدیدار دہلی کا دورہ کرچکے ہیں وزیر ٹرانسپورٹ پی ۔ مہیندر ریڈی نے بتایا کہ ضلع رنگاریڈی میں سرمایہ کاری اور صنعتوں کے قیام کے لئے وزیر اعلیٰ تلنگانہ کے۔ چندرا شیکھر راو کے اعلان کے بعد کئی ایک سرمایہ کاروں نے حوصلہ افزاء رردعمل ظاہر کیا ہے انہوں نے کہا کہ ضلع رنگاریڈی میں صنعتوں کے قیام کے لئے سرمایہ کاروں کوتمام سہولتوں کی فراہمی کے ریاستی حکومت اقدامات کررہی ہے پی ۔ مہیندر ریڈی نے بتایاکہ ضلع رنگاریڈی کے14اسمبلی حلقہ جات کے 142سرکاری اسکولس کے لئے 150کروڑ روپئے منظور کئے گئے ہیں